Die Wanderwoche in Davos fand vom 01.-08.07.2023 statt.

Rückblick

Am erste Tag, Herrjemine, der Wanderwäg Panorama het niemer gseh,
u drum e Umwäg zum Vergässe, aber bim Ässe an Obe wieder zfride zämegsässe.

Am zwöite Tag dür d Zügeschlucht und übers Viadukt bis Filisur, hei, das isch de ä strängi Tour.

Am dritte Tag vo Parsenn uf e Gotschnagrat, bis uf drü Lüt si alli parat,
vier Stund loufe a däm Bärg, es isch ä wunderschöne Wäg.

Am vierte Tag uf der Schatzalp hei mir e Rundgang gmacht, und gstunet ab dere farbige Bluemepracht,
U derno uf Davos nidsi gloffe, schwarzi Wulche, mer chöi nume hoffe,
troche si mer is Hotel cho, der Räge heim er dusse glo.

Am füfte Tag mit em Bus i Dürrbode gfahre der Rückwäg wit, o Gott bewahre,
S Dischmatäli us vier Stund loufe, mi chönnt dert ou es Busbillett choufe.
Chli Räge hei mer o uno gnoh, u heu hüt vom Loufe gnue übercho.

Am sächste Tag vor Station Monstei is Dörfli ue, steil bärguf u zoberscht im Beizli Vor Jasmin Flury zue.
Dört hei mir üs chönne erhole und und öppis zuenis näh «zum Wohle»

Am siebte Tag do geits ufs Jakobshorn, s Wätter schön, der Wanderlohn.
Ä tolli Wuche, wunderschön, em Lotti u der Mariann es Dankeschön.

S Lotti Thomy und d Marianne Ischi si zwo tüechtigi Froue
Hei mängi Stung und vil Gedanke für s Wandere üs gschänkt.
Die letschte zäh Johr hei si die Wanderwuche zäme organisiert,
hei planet und Hotel gsuecht und d Wanderwäge rekognosziert.
So bringe si mänge Ma und mängi Frou uf d Bei
Hei nis glustig gmacht und mitgnoh und bringe nis mit guete Erinnerige wider hei.

Ursula Bruggmann und Marianne Furer